مشكلتي بيني وبين جوزي هوة شغله في محافظة تانية بيجيلي يومين ويسافر يقعد هناك 3 أو 4 أيام الأيام تزيد أو تقل حسب شغله وبصراحة انا حاسة اني مش متجوزة خالص خصوصا انه لما بييجي بيقضي إجازته نوم أو اكل والباقي من اليوم ده إذا اتبقى بيروح لوالدته وأخواته وأصحابه وأنا قاعدة في البيت والحال وصل بيه الى اني حاسة اني شغالة ببلاش عنده وقاعدة لحراسة البيت بس ومعنديش أولاد محصلش نصيب لسة وبفكر في الطلاق عشان لو فضلت بالشكل ده النتيجة معروفة مشاكل هتوصلنا برضه للطلاق .. ودلوقتي يا جماعة هل انا صح لو طلبت الطلاق ولا أتكلم معاه للمرة الأخيرة مع اني اتكلمت كتير والصراحة انا كمان اتجوزته وأنا عارفة نظام شغله لكن مكنتش متصورة انه كمان هيهمل فية لما يرجع من شغله قلت لم يرجع هيرتاح وبعدها يكون معايا .